Image default
Home » كأس العالم الجايه
الحضارة ذكريات

كأس العالم الجايه

Rollei

بضلّ فكر من ٤ سنين كيف كنا، كيف كان كأس العالم، و كيف كل البلد بتتغير و بعد كل لعبة الشعب كله بصير مشجع للعظم كأنو بلدنا يلي فازت، فتلات السيارات مع الأعلام و الموسيقا و الفتيش بآخر الليل. أديش كنت مبسوطة و أديش ما حدا كان عنده هم. بفكر بكأس العالم هالسنة، الناس لسا احتفلت، و طلعت و غنّت، و حتى لو الظاهر انو نفس العادة، كان كتير غير. يلي عم يغني و يشجع في حزن مخبى بصوته، في ألم عم يحاول يغطيه بضحكة و علم و أغاني. بفكر بكأس العالم الجاية، بعد ٤ سنين، الناس حيكونوا عنجد مبسوطين و مافي عندن هم؟ ولا لسا مقهورين و عم يخبّوا قهرن؟ بضل فكر أديش تغيّرت حياة كل هالبشر بس لسا بيضحكوا، بيشجعوا، و يمكن ينسوا.

Image: Syrians watching the World Cup, 2010

مقالات ذات الصلة

Leave a Comment

* By using this form you agree with the storage and handling of your data by this website.

This website uses cookies to improve your experience. We'll assume you're ok with this, but you can opt-out if you wish. قبول Read More